Xi, Putin wasifu enzi mpya ya mahusiano kati yao

Rais wa Urusi Vladmir Putin alizituhumu nchi za Magharibi kwa kukataa mapendekezo ya Beijing ya kumaliza vita vya Ukraine.

Mataifa hayo, ambayo yana hamu ya kukandamiza nguvu za Magharibi, yalielezea wasiwasi kuhusu utanuzi wa Jumuiya ya NATO barani Asia na kukubaliana kuimarisha ushirikiano ambao umeendelea kuwa wa karibu hata zaidi tangu Putin alianzisha uvamizi nchini Ukraine.

Akizungumza baada ya kukutana na Rais wa China Xi Jinping, Putin alisema yuko tayari kwa mazungumzo kuhusu Ukraine na kuusifu mpango wa China wa ajenda 12 kuhusu mzozo huo, unaojumuisha wito wa mazungumzo na kuheshimiwa uhuru wa mipaka ya nchi zote.

Marekani inasema haiioni China kuwa na uwezo wa kuwa mpatanishi asiyeegemea upande wowote.