پاپوا نيوګيني؛ له ۳۰۰ ډېر کسان تر خاورو لاندې شوي

یو ځايي چارواکي مارک ايپویا د شنبې په ورځ وويل هغه اندېښمن دی چې «له ۳۰۰ ډېر کسان تر خاورو لاندې شوي دي.» په آرام سمندر کې لرې پروت دغه جزيره هېواد کې د جمعې په سهار وختي شاوخوا درې بجې ځمکه ښوېدنه وشوه.

د ژغورنکو ټيمونه د شنبې په ورځ د پېښې ځای ته رسېدلي تر څو ځايی کلیوالو سره تر خټو او خاورو لاندې شوو کسانو په راوښکلو کې مرسته وکړي. پاپوا نيو ګيني استرالیا ته نیږدې په آرام سمندر کې لرې پروت یو جزيره يي هيواد دی.

ملګرو ملتونو او سور صلیب د شنبې په ورځ وويل چې د تلفاتو دقیق ارقام لا تر اوسه مشخص ندي او د لټون عملیات ښايي څو ورځې وخت ونیسي. زیاته شوې چې د سېمې اوسېدونکي په شاوخوا ۶۰ تخريب شوو کورونو کې راټول شوي دي.

د ملګرو ملتونو یوه چارواکي، سيرهان اکتوپراک، په پلازمېنې پورت موریسبې کې وويل چې ډيری کورونو دومره ډېر تر خاورو لاندې شوي چې رسېدل ورته نه کیږي.

هغه اټکل کوي چې د پاپوا نیوګيني په کوم کلي چې ځمکه ښوېدنه شوې، کابو ۳۸۰۰ کسان اوسیږي.

(AFP)mks/akh

له آرشیف څخه (16.02.2023 ):