ڈرائیونگ کے لیے دنیا کے دس انتہائی خوبصورت راستے

یہ دنیا کی مشہور سڑکوں میں سے ایک ہے۔ روٹ 66 تقریبا چار ہزار کلومیٹر پر محیط ہے۔ اسے امریکا کا ایسا پہلا مسلسل ہموار راستہ سمجھا جاتا ہے، جو مشرق اور مغرب کو ملاتا ہے- یہ شکاگو اور الینوائے کو سانتا مونیکا اور کیلیفورنیا سے جوڑتا ہے۔ یہ راستہ سیاحوں میں خاصا مقبول ہے۔

آئسفیلڈز پارک وے کو ہائی وے 93 کے نام سے بھی جانا جاتا ہے۔ کینیڈا کے پہاڑوں سے گزرتا ہوا یہ راستہ دل موہ لینے والا ہے۔ یہ راستہ قدیم گلیشیئرز، آبشاروں، جھاڑیوں اور زمرد جھیلوں سے ہو کر گزرتا ہے۔ لیکن محتاط رہیے، اس راستے پر واقع پٹرول اسٹیشن بہت دور دور واقع ہیں۔

حیران کن طور پر دو لاکھ ستاون ہزار پانچ سو کلومیٹر طویل یہ راستہ پورے امریکی براعظم پر پھیلا ہوا ہے۔ یہ امریکی ریاست الاسکا کو جنوبی امریکی علاقوں سے ملاتا ہے۔ یہ راستہ بیس مختلف ممالک سے ہو کر گزرتا ہے۔ راستے میں آنے والے جنگلات، صحرا، پہاڑ اسے مزید خوبصورت بنا دیتے ہیں، جیسے کہ پیرو کی یہ تصویر۔

پہاڑوں سے گزرتا یہ روٹ جنیوا جھیل سے گزرتا ہوا فرانسیسی علاقوں تک جاتا ہے۔ سات سو کلومیٹر طویل یہ راستہ فرنچ ایلپس سے گزرتا ہے اور کئی شاندار پہاڑی درے راستے میں آتے ہیں۔ پہاڑ بادلوں میں گھرے نظر آتے ہیں اور شاندار مناظر یقینی ہیں۔ یہ راستہ موسم کے حالات دیکھتے ہوئے جون سے اکتوبر کے درمیان کھولا جاتا ہے۔

جرمنی کے جنوب مشرقی باویریا کے پہاڑی علاقوں میں ڈرائیونگ یادگار رہتی ہے۔ یہ روڈ الپائن کے انتہائی خوبصورت نظارے پیش کرتا ہے۔ موٹرسائیکل اور سائیکل سواروں میں مشہور یہ راستہ تقریبا سارا سال ہی کھلا رہتا ہے۔ اس سڑک کے علاوہ ہائیکرز بھی شوق سے اس علاقے میں آتے ہیں۔

اٹلی کے امالفی ساحل کے ساتھ ساتھ چلنا اور پہاڑوں کو قریب سے گلے لگانا، یہ قدرتی ڈرائیو خلیج سالیرنو کے شاندار نظارے پیش کرتی ہے۔ 50 کلومیٹر کا سفر آپ کو کئی وادیوں کے پار بھی لے جائے گا، جو ایک ناقابل فراموش تجربہ ہے۔

چیپمین پیک ڈرائیو راستہ جنوبی افریقہ میں بحر اوقیانوس کے ساحل کے ساتھ ساتھ چلتا ہے۔ یہ راستہ ہاؤٹبے کی ماہی گیری والی بندرگاہ کو نوردھوک گاؤں سے جوڑتا ہے۔ تیز ہواؤں کے درمیان سے گزرنے والا یہ راستہ بیسویں صدی کے اوائل میں ریت کے نسبتا نرم پتھروں کو تراش کر بنایا گیا تھا۔

گریٹ اوشن روڈ، جو آسٹریلیا کے جنوب مشرقی ساحل کے ساتھ ساتھ چلتا ہے، خوبصورت مناظر پیش کرتا ہے۔ دوسری چیزوں کے علاوہ یہ آپ کو سمندر سے اٹھنے والے ڈرامائی چٹانوں کا مجموعے تک لے جاتا ہے۔ یہ دیکھنے کے لائق ہے۔

اسٹیٹ ہائی وے 8 کو ایس ایچ 8 بھی کہا جاتا ہے۔ یہ راستہ جھیل ٹیکاپو اور جھیل پکاکی سے ہوتا ہوا شمال کی طرف ماؤنٹ کوک کی طرف جاتا ہے۔ یہ نیوزی لینڈ کا سب سے اونچا پہاڑی سلسلہ ہے۔ یہاں کا نیشنل پارک اور قدرتی گلیشئرز دیکھنے سے تعلق رکھتے ہیں۔ اس راستے میں جگہ جگہ خوبصورت مناظر دیکھنے کو ملتے ہیں۔

روس کے کاٹو یارک پاس کا شمار دنیا کے خطرناک ترین پہاڑی راستوں میں ہوتا ہے۔ ملک کی جنوبی التائی جمہوریہ میں 3.5 کلومیٹر کا سفر آپ کی بہادری اور آپ کی گاڑی کو آزمائے گا۔ لیکن یہاں کے خوبصورت مناظر مسافروں کی مشقت کا صلہ ہیں۔