جرمنی کے دس بڑے شہر

تقریباً 3.8 ملین کی آبادی والا غیر متنازعہ نمبر 1 جرمن دارالحکومت برلن ۔ شہر کے ہر ضلع کا اپنا منفرد ماحول ہے۔ کھلی کھلی سڑکیں، ہپ ہاپ، جرمن کلاسیکی موسیقی سے لے کر بین الاقوامی ثقافتی مراکز۔ بلاشبہ، یہاں بہت سارے دلچسپ مقامات ہیں، بشمول برانڈن برگ گیٹ اور وفاقی پارلیمان کی عمارت اور فلک بوس مشہور زمانہ ٹی وی ٹاور بھی، جو 368 میٹر (1,207 فٹ) بلند ہے۔

ہیمبرگ تقریباً 1.9 ملین باشندوں کے ساتھ جرمنی کا دوسرا بڑا شہر ہے۔ دریائے ایلبے پر واقع حیرت انگیز شمالی شہر سمندری مزاج اور خوبصورت عمارتوں کا مجموعہ۔ یہاں کے پرانے گوداموں کا مرکز ، بندرگاہ اوردریائے ایلبے پر قائم فلہارمونی کنسرٹ ہال۔ اس کے علاوہ بھی بہت کچھ اس شہر کی خاصیت ہے۔

جرمنی کے تیسرے سب سے بڑے شہر میونخ کی آبادی 1.5 ملین سے زیادہ ہے۔ روایتی اور آرام دہ شہر جرمنی کی جنوبی ریاست باویریا کا دارالحکومت ہے۔ سڑکوں پر روایتی لباس پہنے ہوئے لوگ اپنا الگ مزاج رکھتے ہیں۔ اس شہر میں متعدد تاریخی عمارتیں اور میوزیم ہیں جبکہ شہر کے نواح میں دنیا کے چند مشہور ترین قلعے بھی ہیں۔ دنیا کے سب سے بڑے بیئر فیسٹیول Oktoberfest کے دوران میونخ کھچا کھچ بھرا ہوتا ہے۔

دریائے رائن پر واقع شہر کولون میں تقریباً 1.1 ملین لوگ رہتے ہیں، "کارنیوال" رائن لینڈرز کے لیے سال کا پانچواں موسم کہلانے والا تہوار ہے۔ رنگ برنگے ملبوسات میں ملبوس، جشن منانے والے سڑکوں پر نکل کر کئی روز تک کارنیوال کا جشن مناتے ہیں۔ عام طور پر، خوش مزاجی کولون کے کھلے ذہن کے لوگوں کا خاصا مانا جاتا ہے۔ کولون کا مشہور زمانہ تاریخی کیتھیڈرل عالمی ثقافتی ورثے میں شامل ہے۔

جرمنی کا اقتصادی مرکزی شہر فرینکفرٹ 760,000 سے زیادہ باشندوں کے ساتھ جرمن بینکنگ میٹروپولیس مانا جاتا ہے۔ مائنز دریا پر واقع اس شہر کو اپنی کئی فلک بوس عمارتوں کی وجہ سے "مین ہیٹن" بھی کہا جاتا ہے۔ دریا کے مخالف سمت پر، آپ کو اسکائی لائن کا ایک شاندار نظارہ ملے گا - یہاں کی سیب کی شراب مشہور ہے۔ ٹاؤن ہال، جسے "Römer" کہا جاتا ہے کے علاوہ بہت سے علاقے سیاحوں کے لیے کشش رکھتے ہیں۔

ڈسلڈورف میں تقریباً 653,000 باشندے رہتے ہیں۔ یہ شہر جرمن ریاست نارتھ رائن ویسٹ فیلیا کا دارالحکومت اور جرمنی کا چھٹا بڑا شہر ہے۔ رائن میٹروپولیس یہ شہر فیشن اور آرٹ کے لیے جانا جاتا ہے۔ لگژری اسٹورز، شاپنگ مالز اور دریائے رائن کے کنارے خوبصورت ساحل پر قائم قدیم کیفیز یہاں کی خاص کشش ہیں۔ ساحل پر چہل قدمی سے لطف اندوز ہونے کے ساتھ ساتھ مشہور معماروں کی ڈیزائن کردہ عمارتیں موجود ہیں۔

اس شہر کی آبادی 610,000 کے لگ بھگ ہے اور یہ صوابیوں کا گھر ہے، جو محنتی اور کفایت شعار ہونے کی وجہ سے شہرت رکھتے ہیں۔ دلکش کھانا اور اچھی شراب خطے کی مقبولیت کی ایک اہم وجہ ہے۔ یہ شہر بہت سارے فن اور ثقافت کے مراکز بھی پیش کرتا ہے۔ خاص طور پر شہر کےمرکز میں "Schlossplatz" اور اپنے دو عجائب گھروں کے ساتھ بہترین سیاحتی سرگرمیاں ہیں۔ جرمنی کی مشہور زمانہ گاڑیوں کی صنعتیں بھی اسی شہر میں واقع ہیں۔

تقریباً 610,000 باشندوں کے ساتھ یہ شہر 9ویں نمبر پرہے، جو روہر کے علاقے کا سب سے بڑا شہر ہے۔ مغربی جرمنی کا یہ علاقہ کبھی کوئلے اور فولاد کی صنعتوں کا غلبہ مرکز ہوتا تھا۔ بہت ساری صنعتی یادگاریں جیسے کہ ڈورٹمنڈ میں قائم پرانا بلاسٹ فرننس پلانٹ اس شہر کی تاریخ کی یاد دہانی ہے۔

ایسن بھی روہر کے علاقے میں واقع ہے۔ یہاں تقریباً 593,000 لوگ آباد ہیں۔ دوسری عالمی جنگ کے دوران شہر کے مرکز کا تقریباً 90 فیصد حصہ تباہ ہو گیا تھا۔ ایسن میں گرچہ بہت زیادہ خوبصورت فن تعمیر نظر نہیں آتا لیکن اس میں بہت زیادہ سبزہ ہے۔ نمائشوں، تقریبات، ایک سوئمنگ پول اور زندگی سے لطف اندوز ہونے کے لیے کافی کھلی کھلی جگہیں یہاں موجود ہیں۔