جرمن لڑکیاں اوسطاﹰ لڑکوں سے قبل والدین کے گھر چھوڑ دیتی ہیں

جرمنی کے وفاقی دفتر شماریات کے مطابق ایسا نہیں ہے کہ بالغ ہو جانے کے بعد جرمنی میں سبھی بچے اپنے والدین کے گھروں سے اپنی کسی نئی رہائش گاہ میں منتقل ہو جاتے ہیں، تاہم زیادہ تر جرمن نوجوان ایسا ہی کرتے ہیں۔

جرمنی: رہائش کے اخراجات تقریباﹰ ناقابل برداشت حد تک بڑھ گئے

اس کا ایک ثبوت یہ کہ گزشتہ برس کے آخر میں 25 برس سے زائد عمر کے جرمن نوجوانوں میں سے ایک چوتھائی سے زیادہ مرد اور خواتین ایسے تھے، جو تب تک اپنے والدین کے ساتھ اور اپنے آبائی گھروں میں ہی رہائش پذیر تھے۔

یہی نہیں بلکہ 2022ء میں تو 30 برس سے زائد عمر کے جرمن مردوں اور خواتین میں سے بھی 9.2 فیصد ایسے تھے، جو اپنے والدین کے ساتھ اور انہی کے گھروں میں رہتے تھے۔

مہاجرین کا بوجھ، جرمن شہروں میں گنجائش خاتمےکے دہانے پر

بیٹوں ا‍ور بیٹیوں کے مابین ڈیڑھ سال کا فرق

وفاقی جرمن دفتر شماریات کے جاری کردہ تازہ اعداد و شمار کے مطابق جرمن معاشرے میں اب یہ رجحان دیکھا جا رہا ہے کہ بیٹے بالعموم بیٹیوں کے مقابلے میں بالغ ہو جانے کے بعد بھی زیادہ عرصے تک اپنے والدین کے گھروں میں ہی رہتے ہیں۔

دنیا کا قدیم ترین سوشل ہاؤسنگ منصوبہ، سالانہ کرایہ 88 سینٹ

گزشتہ برس کے ڈیٹا کے مطابق ایک عام جرمن نوجوان اوسطاﹰ ساڑھے 24 برس کی عمر میں اپنے آبائی گھر سے اپنے کسی نئے فلیٹ یا گھر میں منتقل ہو گیا۔ اس کے برعکس نوجوان جرمن خواتین نے اپنے آبائی گھروں سے کہیں اور منتقلی کا یہی کام اوسطاﹰ صرف 23 برس کی عمر میں کیا۔

جرمنی میں ساڑھے چھ ملین انسانوں کی داخلی نقل مکانی

اس کا مطلب یہ ہے کہ جرمن لڑکیاں اب اوسطاﹰ لڑکوں کی نسبت اپنے والدین کے گھروں میں تقریباﹰ ڈیڑھ سال کم رہتی ہیں۔ لڑکوں اور لڑکیوں کے مابین صنفی بنیادوں پر اس تفریق سے قطع نظر جرمنی میں اب عام نوجوان اوسطاﹰ 23 سال اور آٹھ ماہ کی عمر میں اپنے ماں باپ کے گھروں کو خیرباد کہہ دیتے ہیں۔

یورپی سطح پر موازنہ

یورپی سطح پر موازنہ کیا جائے تو جرمن نوجوان مقابلتاﹰ کم عمر میں اپنے والدین کے گھر چھوڑ دیتے ہیں جبکہ دیگر یورپی ممالک کے نوجوان ایسا فی کس اوسط بنیادوں پر 26 سال اور چار ماہ کی عمر میں کرتے ہیں۔

مسلمان اور اسلام دونوں جرمنی کا حصہ ہیں

ستائیس رکنی یورپی یونین میں جو ایک رجحان اب واضح طور پر دیکھا جا رہا ہے، وہ یہ ہے کہ نوجوان خاتون کسی بھی ملک کی ہو، وہ اپنے ہم وطن نوجوان مردوں کے مقابلے میں مقابلتاﹰ کم عمر میں والدین کا گھر چھوڑ دیتی ہے اور سماجی طور پر علیحدہ رہتے ہوئے اپنے پاؤں پر کھڑا ہونے کی کوشش کرتی ہے۔

جرمن نوجوان کتے کو بچانے کی کوشش میں کار کی زد میں آ کر ہلاک

یورپی محکمہ شماریات 'یورواسٹیٹ‘ کے مطابق پوری یونین یونین میں بلوغت کے بعد لیکن مقابلتاﹰ سب سے کم عمر میں فن لینڈ کے نوجوان اپنے والدین کے گھروں کو الوداع کہہ دیتے ہیں۔ تب ان کی فی کس اوسط  عمر 21 سال تین ماہ ہوتی ہے۔

ہر دس میں سے ایک جرمن کام کا جنونی ہے

اس کے برعکس سب سے زیادہ دیر سے اپنے والدین کے گھر چھوڑنے والے یورپی نوجوان کروشیا کے شہری ہوتے ہیں، جو ایسا اوسطاﹰ 33 برس چار ماہ کی عمر میں کرتے ہیں۔ تب تک فن لینڈ، ڈنمارک اور سویڈن کے عام نوجوانوں کو اپنے والدین کے گھر چھوڑے اوسطاﹰ 12 برس ہو چکے ہوتے ہیں۔

م م / ش ر (ڈی پی اے)