ایک دن میں مکمل ہونے والا دنیا کا سب سے بڑا انتخابی عمل

انڈویشی عوام ان انتخابات میں صدر اور نائب صدر کے لیے امیدواروں کا فیصلہ کریں گے۔ اس کے علاوہ قانون ساز اسمبلی اور مقامی حکومتوں کے لیے عہدیدار چنے جائیں گے۔

انڈونیشیا کے انتخابات کے حوالے سے چند اہم نکات۔

*    صدارتی عہدے کے لیے تین امیدواروں کے نام پرابوو سوبیانتو، انیس بسویدان اور گینجر پرانوو ہیں۔

*    14 فروری کو ہونے والے ان انتخابات کے لیے کل 204.8 ملین انڈونیشی ووٹ دینے کے اہل ہیں۔

*    ان انتخابات میں حصہ لینے والی سیاسی پارٹیوں کی کُل تعداد 18 ہے۔

*    انتخابات میں حصہ لینے والے رجسٹرد امیدواروں کی تعداد 2 لاکھ 58 ہزار سے زائد ہے۔

*    انڈونیشیا میں ووٹ ڈالنے کے لیے 17 سال کا ہونا لازمی ہے۔

*    انتخابات میں پولنگ کا دورانیہ چھ گھنٹہ ہے۔

*    1.7 ملین انڈونیشی بیرون ملک سے ووٹ ڈالنے کے اہل ہیں۔

*    انڈونیشیا کے جزیرے جاوا پر رجسٹرڈ ووٹروں کی تعداد 115 ملین سے زائد ہے۔

*    ان انتخابات کے لیے ٹیلی وژن پر نشر کیے گئے چار صدارتی مباحثوں کے دوران ناظرین کی اوسط تعداد 94 ملین رہی۔

*    انڈونیشی پارلیمنٹ کے ایوان زیریں میں نسشتوں کی تعداد 580 ہے۔

*    14 فروری کو ہونے والے انتخابات میں 56 ایسے امیدوار بھی حصہ لے رہے ہیں، جن پر بدعنوانی کے الزامات  ہیں۔

م ق/ا ب ا (روئٹرز)