Ukrainë: Mjekët e quajnë atë "fabrika e mbijetesës" - Në Dnjipro në spitalin Mecnikov janë pranuar më shumë se 24.000 ushtarë të plagosur ukrainas shumica nga zonat e puftës në Ukrainën lindore dhe jugore. Anestezistja e re Valentyna Lisnyca rrëfen për sakrificën e mjekëve që punojnë pa ndërperë për të shpëtuar të plagosurit e luftës.
Montpellier: Dhjetorin e kaluar qindra qytetarë të Montpelliesë franceze festuan hyrjen në një epokë të re të qytetit të tyre: fjala është për transportin publik falas. Montpellier ndjek kështu shembullin e Luksemburgut dhe Talinit. E gjitha financohet nga tatimi i mobilitetit për kompanitë. Por jo të gjithë e gëzojnë këtë privilegj të qytetit jugor francez.
Hungari: Sëmundjet kushtojnë, me këtë përvojë të hidhur është përballur edhe hungarezja Marika Tuus. Para vitesh ajo u diagnostikua me kancer në gji. Sëmundja nuk vuri në sprovë vetëm shëndetin e saj, por edhe buxhetin e familjes. Për pushime paratë nuk mjaftonin më, por falë një iniciative hungareze, për Marikan dhe familjen e saj erdhi edhe dita për pushime.
Sardenjë: I kemi shijuar shpesh, kushedi sa lloje makaronash, qofshin të gatuara mirë, apo keq...por këtë lloj makaroni nuk e njohin të gjithë - Ai quhet Su Filindeu -me një emër të veçantë, fijet e zotit -origjinën këto fije të zotit e kanë në Sardenjë, një specialitet që kërkon mundim në përgatitje, dhe shumë pak vetë e praktikojnë -DW takoi një kuzhinier që e rrëfen sekretin.