„Fierce Women“ (Силни жени) низ игра го отвора прашањето за родова рамноправност. На играта работеа уметници од цела Европа, меѓу нив и уметницата Тамара Забазноска од Скопје. Таа ги отслика архитектките Мимоза Несторова Томиќ и Искра Грабул:
„Ги одбрав Искра Грабул и Мимоза Несторова Томиќ бидејќи мојот личен пат е тесно поврзан со она што тие го имаат направено. Односно, мене ме имаат инспирирано. Нивниот начин на размислување, на дејствување во рамки на просторот, не само архитектонско обликувано, и уметнички, ме има лично фасцинирано. Нејзиниот [н.з. на Несторова Томиќ] начин на работа е неверојатното почитување на теренот каде требало, нели, нешто да се конструира... Искра Грабул е значајна пред сѐ, и мене лично ми има оставено впечаток, поради Македониумот. Пред сѐ поради храброста и истрајноста бидејќи имало доста големи конфликти за тоа како требало да изгледа тој Македониум“, вели Забазноска.
На картите се претставени и жени од Хрватска, Словенија и Ирска. Играта е создадена како дел од проектот „Жени за жени“(Women on Women), спроведен од страна на невладини организации од Македонија и регионот.
Повеќе во видеото!