Мечиња како симбол за киднапираните украински деца

Демонстрации на солидарност со украинскиот народ по повод годишнината од руската инвазија на Украина имаше во цел свет.

Во близина на европскиот кварт во Брисел, каде што се сместени повеќе објекти на Европската унија, меѓу нив и Европскиот парламент, беа поставени мечиња и други играчки. Тие ги претставуваат украинските деца кои се присилно однесени во Русија во текот на војната. Настанот го организираа невладината организација Авааз и украински бегалци.

Според украински наводи, станува збор за десетици илјади деца. Украина тврди дека се работи за целна кампања на киднапирање деца, во која Русија, како што се вели, ги претставува транспортите како „рехабилитациски престој“.